«Ja hladzieła na siabie hołuju ŭ lusterku i kazała: «Źmirysia!» Lucyja Hieraščanka raspaviała pra svoj dośvied z «Azempikam»
Byłaja televiadučaja, a ciapier trenierka pa fejs-fitnesie Lucyja Hieraščanka (šmat chto jaje pamiataje jak Lusiu Łuščyk) raspaviała, jak šukała «Azempik» na čornym rynku. Abyšoŭsia jon pa košcie jak niebłahi BMW.
Televizijnaja karjera Lucyi Hieraščanki skončyłasia davoli daŭno. Ciapier jana pazicyjanuje siabie jak trenierku pa fejs-fitnesie i navat vypuściła mabilny dadatak pa jozie dla tvaru.
Niadaŭna Lucyja vyrašyła skaryć YouTube i prezientavała pieršy vypusk ułasnaha šou «Ja zahavaryła». U im jana raspaviała pra toje, jak i čamu vyrašyła skinuć vahu z dapamohaj «Azempiku».
Pa słovach Lucyi, paśla taho, jak jana ŭ 2020 hodzie naradziła doŭhačakanaha syna, žančyna nabrała 20 kiłahram i adčuvała siabie praz heta niekamfortna. Pry hetym pryznajecca: vierahodna, u jaje jość niejki razład charčovych pavodzin.
Kali byłaja televiadučaja ŭ 40 hadoŭ stała maci, jana važyła kala 75 kiłahram. Skidać lišniuju vahu było vielmi ciažka — asabliva pieršy hod paśla rodaŭ.
— Ja ŭvieś čas była ŭ varjackaj baraćbie pa skidvańni vahi. I zaŭsiody ŭ joj prajhravała. Ja navat pamiataju dzień, kali hladzieła na siabie hołuju ŭ lusterka i kazała: «Nu prosta źmirysia. Tabie ŭžo za 40, u ciabie ničoha nie atrymlivajecca. Mabyć, ty budzieš takoj».
Lucyja śćviardžaje, što ŭ toj čas usie joj rabili kamplimienty. Muž taksama nie kazaŭ pra toje, što jaho žonka vyhladaje niejak nie tak, a naadvarot padtrymlivaŭ.
— Ale ŭsio ž ja chvory čałaviek. Ja lublu być chudoj. Mnie lohka dychać, biehać, ruchacca. Ja kvitnieju, kali ja chudaja. Tamu pra toje, jak skinuć vahu — pra białkovyja kaktejli, dyjety, pra siadzieńnie na hrečcy na vadzie i kolki treba spać — ja mahu havaryć biaskonca.
Tamu nie dziŭna, što, kali Lucyja ŭpieršyniu pačuła pra «Azempik», to adrazu zachacieła atrymać hetyja cuda-leki. Žančyna kaža, što čytała pra vierahodnyja pabočnyja efiekty «Azempika». Adzinaje, što jaje naściarožyła — suicydalnyja dumki.
Pieršaje, što Lucyja zrabiła — heta patelefanavała siabroŭcy ŭ Maskvu, bo tam «zaŭsiody možna znajści ŭsio».
— Vyśvietliłasia, što preparat mahčyma nabyć tolki pa recepcie. A ŭ Biełarusi dyk tolki na čornym rynku. Siabroŭka mianie strašenna adhavorvała, bo ŭ Maskvie padrablajuć navat vadu.
Sproba nabyć recepturny preparat nielehalna skončyłasia pravałam. Žančyna sumna žartuje, što jaje raźviali jak babulku pa telefonie machlary.
Lucyja znajšła ŭ internecie sajt niejkaj apteki, jakaja byccam by pradavała «Azempik» usim achvotnym. Siabroŭka ŭhavaryła nabyć dla pačatku tolki adzin špryc preparatu (jaho nieabchodna kałoć raz na tydzień — paśla hetaha šmat u kaho całkam źnikaje apietyt). Na nastupny dzień kurjer zamovu nie pryvioz, a sajt źnik, jak i pierapiska z pradaŭcom — Lucyja zhubiła kala 150 dalaraŭ.
— Kab vy razumieli paradak cen na «Azempik». Kab kankretna schudnieć, treba jaho kałoć niedzie hod. Heta kaštuje jak dobraja BMW.
Lucyja kaža, što pryvieźci ŭ Biełaruś «Azempik» biez receptu davoli składana, u Jeŭropie nabyvać preparat mahčyma, ale recept taksama patrebny. Žančyna pryznajecca, što sprabavała roznyja šlachi i ŭ vyniku zmahła atrymać leki dla dyjabietykaŭ.
— Preparat sapraŭdy kruta pracuje, ale kali jon u ciabie skančajecca, a nabyć u Biełarusi jaho faktyčna niemahčyma… Ukoł pracuje tydzień, i voś prykładna praz dva dni paśla hetaha terminu tabie pačynaje chaciecca jeści tak, što žach. Tamu jość pytańni.
Jana zhadvaje i pra tak zvany efiekt azempik-tvaru: paśla ŭžyvańniu preparatu (kali čałaviek nie kole ničoha ŭ tvar i nie zajmajecca fejs-fitnesam) źjaŭlajecca suchaść i źniamožanaść skury, što vizualnaje dadaje ŭzrost.
Ale niahledziačy na heta Lucyja ličyć preparat biasškodnym dla zdaroŭja i kaža: «Ja dumaju, chiejt i niehatyŭnaje staŭleńnie da «Azempika» tolki tamu, što ŭ bolšaści ludziej niama prosta finansavaj mahčymaści kupić i kałoć jaho ŭsio žyćcio».
Darečy, Lucyja nie adzinaja ź biełarusak, chto ŭsio ž zmoh atrymać «Azempik». Raniej u vykarystańni hetaha preparata pryznavałasia ŭ kamientarach u instahramie prapahandystka STB Kaciaryna Zabiańko (jana sapraŭdy mocna schudnieła za apošni hod). Joj leki nielehalna pryvoziła siabroŭka Dzijana (nibyta praz svajaka, jaki pracuje piłotam). Taja navat rekłamavała recepturny preparat u svaich sacyjalnych sietkach.
Paśla vychadu publikacyi pra jaje pracu na «Našaj Nivie» Dzijana schavała rekłamnyja roliki, pryśviečanyja «Azempiku», ale praź niekatory čas usio ž viarnuła niekatoryja ź ich.
«U mianie svajak — piłot, jon pryvozić». Jak u Biełarusi pradajuć «Azempik», jaki abiacaje fihuru mary
Daktary zajavili ab pieraacenienaści efiektyŭnaści papularnaha preparatu dla pachudzieńnia
«Byccam haračyja prasy pastavili na vočy». Biełaruskaja viadučaja ščyra raskazała, na što pajšła dziela pryhažości
Vyjaviłasia, «Azempik» jašče i lečyć ad ałkahalizmu
Kamientary
• BALNYJA NA HAŁAVU •
«Ale ŭsio ž ja balny čałaviek. Ja lublu być chudoj. Mnie lohka dychać, biehać, ruchacca. Ja kvitnieju, kali ja chudaja.»
–––
🔺Čytačy, pisačy, dajcie rady ahorać-zrazumieć! To bok, Lucyja j siemki łuščyk, i pa-fejsu kamu zaŭhodna daść... u seńsie daść pa fejsu-fitnesie zaniatki. I jašče, bač ty, balaryna! Chaj pa svajej hramadzkaj značnaści nie takaja jak ss... Vałačkova, ale nia mienš, čym tutaka nachabna pijaranaja Valaryna. Što mieła (maje) taksama ŭ pieranosnym seńsie lišniuju vahu.
🔺Darečy, sam ja čałaviek zusim nia balny, ale schudaŭ u svoj čas — z noh da hałavy! — na 30 kilaŭ. Voś biaz paliva, biaź lekaŭ. A hetak vydatkoŭvacca na roznyja azempiki, to treba być, avochci, «alternatyŭna zdarovym» na hłuzdy.
.