Прэм'ер Грузіі назваў затрыманых на пратэстах расіян і брытанца «інструктарамі, якія рыхтавалі радыкалаў»
Іраклій Кабахідзэ пракаментаваў затрыманне дзесяці замежнікаў на акцыі пратэсту ў Тбілісі.
Прэм'ер-міністр Грузіі расказаў, што на пратэстах былі затрыманыя грамадзяне Расіі і Вялікабрытаніі. Кабахідзэ выказаў версію, што яны былі інструктарамі, якія нібыта дапамагалі арганізоўваць пратэсты, піша «Інтэрфакс».
«Былі затрыманыя грамадзяне Расіі, якія праявілі гвалт у адносінах да прадстаўнікоў праваахоўных органаў, і грамадзянін Вялікабрытаніі, які незаконна ўварваўся ў будынак парламента.
Магчыма, мы маем справу з замежнымі інструктарамі, якія інструктавалі радыкалаў на акцыі, але я не буду апярэджваць падзеі, гэта справа следства», — заявіў Кабахідзэ.
Ён заклікаў следства разабрацца, з якой мэтай расійскія грамадзяне і грамадзянін Вялікабрытаніі прыбылі ў Грузію.
Напярэдадні грузінскія СМІ распаўсюдзілі інфармацыю аб затрыманні паліцыяй на акцыях пратэсту супраць адмовы ад еўраінтэграцыі ў Тбілісі дзесяці замежных грамадзян.
Сярод затрыманых ёсць і грамадзянін Беларусі Яўген Муравіцкі .
Стала вядома, за што будуць судзіць першага намесніка начальніка Кіраўніцтва справамі Лукашэнкі1
Каментары