«Пачала прымаць упрыкуску з лімонам, для вітамінаў». У Слонімскім раёне дзве жанчыны атруціліся мухаморамі
Дзве жанчыны ў Слонімскім раёне трапілі ў бальніцу пасля «лячэння» мухаморамі, піша БелТА на падставе сведчання загадчыцы аддзялення гігіены харчавання Гродзенскага абласнога цэнтра гігіены і эпідэміялогіі Марыя Руфкіна.
«Адна з іх, 44-гадовая жыхарка раёна, знайшла ў інтэрнэце рэцэпт лячэння рэўматызму шапачкамі мухамораў. Сабрала атрутныя грыбы, высушыла іх на батарэі ацяплення ў кватэры і прыступіла да курсу «аздараўлення». Праўда, працягнуўся ён нядоўга. З атручваннем жанчына трапіла ў бальніцу і засталася жывая толькі дзякуючы аператыўнай дапамозе медыкаў.
Другая жанчына, 45 гадоў, прачытала ў сеціве, што шапачкі мухамораў здымаюць дэпрэсію, і, высушыўшы грыбы ў духоўцы і затым на батарэі, здрабніла і пачала прымаць упрыкуску з лімонам, «для вітамінаў». Вынік той жа — атручэнне і бальніца. Балазе, маці жанчыны своечасова зарыентавалася і выклікала хуткую», — расказала загадчыца аддзялення.
Спецыялістаў санітарна-эпідэміялагічнай службы турбуе факт, што нават адукаваныя людзі давяраюць рэцэптам з інтэрнэту, многія з якіх не толькі бескарысныя, але і небяспечныя.
«Мая памылка, што запісваю відэа». Чым скончыліся рэзанансныя звароты да Лукашэнкі?7
Каментары
а! успомніла. гэта ж "микрадозинг" у іх завецца. у каго ў іх? ну ў каго-каго - у гэтых - з усходу
там нават купіць такое можна - https://alatau.market/catalog/tovary_dlya_zdorovya/gribnaya_apteka/1054/
(НІ Ў ЯКІМ СЭНСЕ НЕ НА ПРАВАХ РЭКЛАМЫ)
(спасылку я ніжэй)) прывяла
ну. што не так? зашыбіс срэдства)