Ала Пугачова прозвішча Аляксея Навальнага не ўзгадала, але намёк відавочны.
«Першая нядзеля вясны. Свята жоўтых кветак.
Не здавайцеся! Не падайце духам! Мір вашаму дому», — напісала яна.
«Не здавайцеся», — так адказаў Аляксей Навальны на пытанне, якія б словы ён пакінуў расіянам на выпадак, калі яго заб’юць.
«Адна фраза, Ала Барысаўна, і мы ўсе зразумелі. Дзякуй, што засталіся чалавекам», — напісаў адзін з каментатараў.
Расійскага апазіцыянера Аляксея Навальнага пахавалі 1 сакавіка ў Маскве. 47-гадовы палітык памёр у калоніі за Палярным кругам пры нявысветленых пакуль абставінах. Яго паплечнікі абяцалі назваць вінаватых у яго смерці.
Каментары